Eydís Einarsdóttir

Vefleiðangurinn klár !

2003-11-26T10:46:00.000Z

Langar bara að láta vita að vefleiðangurinn minn er kominn á síðuna mína.
Kíkið á það,
Kveðja, Eydís

Talblogg

2003-11-22T22:42:00.000Z

Hæ, þetta talblogg er hrikalega fyndið........maður hringir í ákv. númer og þá kemur hryllilega fyndin og fölsk karlmannsrödd og segir manni hvað maður á að gera !!
Ég held að þeir ættu að endurskoða þessi skilaboð á talbloggið !!

En.......þetta er samt rosalega sniðugt. Maður getur sent skilaboð með sinni eigin rödd og viðkomandi getur fylgst með ef hann vill. Þetta er sniðugt ef maður er t.d. á ferðalagi.

Ég á síma með myndavél og þá er tilvalið að nýta sér MMS þjónustuna, ætla að prófa það næst.
En þangað til, góða nótt.

2003-11-20T21:06:00.000Z

Skilaboð sendi ég
Sent með GSMbloggi Og Vodafone

2003-11-20T21:04:00.000Z

GSMblogg prufa

Allt á fullu !

2003-11-19T09:50:00.000Z

Jæja, þá er ég alveg að verða búin með skólaheimsóknarverkefnið mitt. Það gekk nú bara vel að vinna það. Set það vonandi á hemasíðuna mína fyrir helgina.
Svo fer nú að líða að prófum......ég fer nú að vísu BARA í eitt, en finnst það nú alveg nóg ! Reyndar er það sálfræðin, sem þýðir mikinn lestur.
Ég er nú þegar búin að segja mig úr tveimur fögum því að litla dúllan mín tekur ansi mikinn tíma frá mér. En þessi yndislegu börn manns eru lítil svo stutt, þannig að ég ákvað að njóta þessa tíma, frekar en að stressa mig á lestri. Frumburðurinn minn varð 10 ára um daginn og mér finnst svo rosalega stutt síðan hann fæddist !!
Jæja, nú kallar litla prinsessan mín, bless í bili.

Vá.....alveg að koma jól !

2003-11-09T22:19:00.000Z

Hæ.
Var að furða mig á því að allur snjórinn er alltí einu farinn ! Það var orðið svooo jólalegt hérna á Akureyri. En jólin koma víst þó ekki sé snjór, og það er að verða skuggalega stutt í jólin. Þarf að fara að draga fram smákökuuppsriftirnar hennar mömmu.

Vefurinn minn er nánast að verða tilbúin. Ég fer í skólaheimsókn í næstu viku, þannig að skólaverkefnið ætti að smella fyrir næstu helgi.
Er þetta þá ekki bara að koma ?

Bestu kveðjur til ykkar.

Skólaverkefni

2003-11-05T15:58:00.000Z

Jæja, þá er vefurinn minn langt kominn. Var að vinna meira í honum í morgunn. Ég vona að ég sé á réttri leið.

Annars er skólaverkefnið næst á dagskrá hjá mér, veit að ég er á eftir en vona að Salvör fyrirgefi mér það.

Ég ætla að heimsækja Síðuskóla hérna á Akureyri og spjalla við tölvufræðikennarann og skoða tölvuverið.

Persónulegur vefur og verkefni

2003-11-04T23:29:00.000Z

Hæ hæ

Var að setja vefinn í gang og inn á honum er ég með tengil sem heitir skilasíða. Vona að það sé í lagi. Á þessari skilasíðu er komið inn power-point verkefnið.

Ég er ekki búin að setja allt inn á vefinn ennþá, en það stendur til bóta.

Vona að ég sé að gera rétt.

Kveðja, Eydís

Halló, halló !

2003-11-03T21:44:00.000Z

Hæ aftur.

Búið að vera mikið að gera hjá mér sl. mánuð. Allir búinir að liggja í magapest, þ.m.t. ég....ojjjjj, og einn tók bara við af öðrum. Meira segja litla daman mín fékk anga af þessari ullu.

Annars hef ég dregist afturúr í öllum námskeiðunum mínum og er þegar búin að segja mig úr einu fagi. Litla daman mín tekur miklu meiri tíma en ég gerði ráð fyrir :)

Annars ætla ég mér að reyna að klára þetta námskeið og langar til að láta vita að power-point verkefnið mitt er tilbúið og er það verkefni um atviksorð.

Ég er að vinna í vefsíðunni minni og vonast til að hún verði tilbúin innan tíðar.

Þangað til bestu kveðjur til ykkar.

Vefleiðangur

2003-10-05T22:27:00.000Z

Langaði að láta vita að vefleiðangurinn minn er ekki tilbúinn, en er í vinnslu. Vonandi get ég sett hann hér inn næstu daga.

Persónulegur vefur

2003-10-05T22:26:00.000Z

Á mínum vef langar mig til að hafa myndaalbúm og kennsluvefsíðu. Mig langar til að hafa söguaðferðina sem svona AÐAL og vísa í vefi um hana og segja frá verkefni sem ég gerði eitt sinn með mínum nemendum....á myndir frá því og gerði vefsíðu um þetta í fyrra í KHÍ (vísa þá í hana :))

Tæknisaga

2003-10-05T22:05:00.000Z

Hæ hæ

Tækninni hefur fleygt ótrúlega hratt fram undanfarin ár. Ég hugsa nú bara tilbaka þegar ég var uþb 10 ára og þá voru ekki til gsm símar, tölvur hvað þá leikjatölvur......þó eru BARA 23 ár síðan ég var 10 ára :)

Ekki gat maður ímyndað sér að á fullorðinsárum yrðu þessi tæki nánast ómissandi á hverju heimili. Ef maður hugsar um það sem amma og afi ólust upp við, eða á ég að segja ólust ekki upp við þá rennur nú kalt vatn milli skinns og hörunds. Engar þvottavélar, hvað þá þurrkarar, engar uppþvottavélar, ekki sjóvarp, engir símar.......en einhvernveginn tókst mömmunum að þvo í höndunum, vöskuðu bara upp, spöruðu sér áskrift að Stöð 2 og Sýn og fengu engan símareikning. Eflaust hafa þær nú verið ofboðslega þreyttar oft með haug af börnum og fullt af fólki í heimili.

Þegar ég fer að hugsa um þá átta ég mig á því að ég á þvottavél, þurrkara og uppþvottavél. eldavél, brauðrist, kaffivél, ískáp, matvinnsluvél með blandara, vöfflujárn, samlokugrill, örbygljuofn, hraðsuðuketil og straujárn. Á heimilinu eru líka 3 gsm símar, þrjú sjónvörp. tvær leikjatölvur og ein heimilistölva. Samt finnst mér við ekkert vera neitt sérstaklega tæknivædd og mér finnst ég hafa alveg nóg að gera í þvottinum þrátt fyrir góð hjálpartæki !

Ég er viss um að mæður ömmu og afa hefðu viljað eitthvað af þessum tækjum, haldið þið það ekki ?

Ég tel að tækniframfarir séu af hinu góða og ég get ekki beðið eftir því að fá mér flotta fartölvu sem hefur þráðlaust net...................

Á kafi !

2003-09-29T19:59:00.000Z

Halló halló halló........

Mikið hefur verið að gera hjá mér sl. daga. Ég hef bókstaflega verið á kafi........aldrei tími til að skrifa í bloggið. Núna fer vonandi að róast hjá mér þannig að námið þarf ekki lengur að sitja á hakanum. Ég meira að segja er búin að segja mig úr einu námskeiði, svo að ég sjái út úr augunum.

Vona að ég komi fljótt aftur með eitthvað af VITI !!

Bless í bili,

Power Point

2003-09-15T21:59:00.000Z

Í power point verkefninu langar mig til þess að útbúa kynningu á því hvernig maður ber sig að í ræðumennsku.

Kveðja,
Eydís

Vefrallý

2003-09-13T19:28:00.000Z

Þetta vefrallý snýst um að svara eftirfarandi spurningum eins fljótt og auðið er. Rallýið er fyrir börn á aldrinum 10-15 ára og þau eiga að vinna það í paravinnu.

Hvað vitið þið Leikfélag Akureyrar ? Á vef Leikfélags Akureyrar er ógrynni upplýsinga og þar er einnig að finna krækjur inn á fleiri menningarvefi sem vert er að skoða.
Þið farið inn á vef Leikfélags Akureyrar með því að smella á myndina hér að ofan og leitið svara við eftirfarandi spurningum. Málið er að vera snöggur !
Setjið svörin í ritvinnsluskjal og þið eigið að taka tímann og skráið hann hjá ykkur. Þið merkið skjalið og sendið mér í tövlupósti á netfangið eydisei@khi.is
.

1. Hvað heitir leikhússtjóri Leikfélags Akureyrar ?
2. Hvert er símanúmer miðasölunnar ?
3. Hvað er atvinnuleikhús búið að starfa lengi á Akureyri ?
4. Hvað sviðsetur Leikfélag Akureyrar árlega mörg leikverk ?
5. Fjórða sýning Leikfélags Akureyrar í vetur er barnasýning. Hvað heitir verkið?
6. Leikfélag Akureyriar sýnir í vetur íslenskt verk sem heitir Draumalandið. Eftir hvern er það ?
7. Hvað heitir ljósameistari Leikfélags Akureryar ?
8. Leikfélag Akureyrar er til húsa í Samkomuhúsinu á Akureyri. Hvað rúmar það marga gesti ?
9. Hver leikstýrir fyrstu frumsýningu Leikfélags Akureyrar í vetur ?
10. Í september fer af stað Leiksmiðja barna. Hvað er gert þar ?
11. Hvernig hljóðar 1.grein í lögum Leikfélags Akureyrar ?
12. Hver er fjöldi leikhúsgesta hjá Leikfélagi Akureyrar á góðu ári ?
13. Í hvaða leikhúsi starfar Leikfélag Reykjavíkur ?
14. Hvað eru margar deildir í Listaháskóla Íslands ?
15. Litli leikklúbburinn á Ísafirði er að sýna verk sem heitir Fuglinn í fjörunni. Eftir hvern er það ?

2003- Eydís Einarsdóttir

Vefrallý og power point

2003-09-11T22:28:00.000Z

Langar bara til þess að láta vita að ég er með höfuðið alveg á KAFI í bleyti yfir því hvað ég ætla að skrifa um.

Annar er ofsalega gaman að skoða bloggin hjá hinum....... :)

11.september

2003-09-11T14:14:00.000Z

Halló.
Veit upp á mig skömmina, hef ekki verið nógu dugleg að skrifa hérna. Er að fara að taka mig í gegn með það.......

Í dag er 11.september og þessi dagsetning situr í manni síðan hryðjuverkin voru framin á Tvíburaturnana í New York. Ég var að rifja upp hvað ég var að gera þennan hryllilega dag og það er svo skrýtið að ég man þennan dag alveg frá A-Ö. Fyrst þegar ég kveikti á sjónvarpinu eftir að maðurinn minn hringdi í mig og sagði mér frá þessu var ég að lesa í þróunarsálfræðinni við borðstofuborðið. Elsti sonur minn var heima veikur og skildi ekkert upp né niður í þessu öllu sem við sáum í sjónvarpinu. Við horfðum saman af og til allan daginn og spjölluðum um þetta. Ég man líka að maður var flemtri sleginn langt fram eftir kvöldi og gat varla sofnað.

Vonandi á heimsbyggðin aldrei eftir að upplifa svona hrylling aftur.
Bless í bili.
Eydís

Samskipti á netinu

2003-08-31T12:32:00.000Z

Hæ hæ
Ég er búin að vera að hugsa um hvernig fólk hefur samskipti á netinu. Auðvitað er algengasta leiðin sú að fólk notar tölvupóstinn bæði í leik og starfi.
En svo eru líka til vefir sem bjóða upp á spjall, þ.e.a.s. vefir um einhver áhugamál og þá er spjallið innan þeirrar síðu og beinist að áhugamálinu. Barnalandsvefurinn er gott dæmi um þetta þar sem foreldrar geta hittst í beinni og spjallað um börnin sín.
Einnig bjóða sumir vefir upp á að senda inn fyrirspurnir og þeim er svo svarað á netinu. Dæmi um þetta er doktor.is og LÍN síðan. Þá geta fleiri notið góðs af spurningunum og svörunum.
Jæja, læt þetta nægja í bili

Kynning á mér.

2003-08-28T21:57:00.000Z

Eitt af því sem við eigum að gera fyrir mánaðrmót á þessu námskeiði er kynning á okkur.

Ég heiti Eydís Einarsdóttir og er á 3.ári í grunnskólakennaranámi, fjarnámi. Ég valdi mér þennan áfanga í frjálsu vali, því mér finnst þetta mjög áhugavert námskeið og hef mikinn áhuga á tölvum almennt og langar til að læra meira um það hvernig ég get notað þær í kennslu og þá sérstaklega netið.

Ég bý á Akureyri ásamt manninum mínum honum Stebba og saman eigum við þrjú börn. Einar Rafn sem er alveg að verða 10, Viðar Örn sem er 7 ára og hana Evu Rún sem er núna þriggja og hálfs mánaða.

Ég er rekstrarfræðingur að mennt en hef algerlega engann áhuga á því !!!! Heillaðist af kennslu fyrir 3 árum og er enn heilluð af því !! Vona að ég eigi eftir að eiga góðan vetur með ykkur, allavega líst mér mjög vel á þetta námskeið.

Kveðja, EE

Allt að komast í gang !

2003-08-25T21:43:00.000Z

Jæja, nú eru drengirnir mínir byrjaðir í skólanum og lífið að komast í réttan farveg.
Þá er víst kominn tími til að ÉG fari að bretta upp ermar og gera eitthvað af viti í mínum skóla.

Mynd af skvísunni !

2003-08-18T21:49:00.000Z

Hérna er mynd af litlu skvísunni minni henni Evu Rún.

Eva Rún

2003-08-18T21:28:00.000Z

Dóttir mín, hún Eva Rún á heimasíðu sem mig langar til að benda á. Ef þið hafið áhuga á, kíkið þangað inn !

Allt að koma...held ég !

2003-08-18T19:14:00.000Z

Jæja, nú hef ég skoðað nokkrar síður hjá samnemendum mínum og búin að átta betur á hlutunum. Auðvitað hefði verið best ef ég hefði komist í tímana. Ástæðan fyrir fjarveru minni að þessu sinni er þriggja mánaða dóttir mín. Mér óx svolítið í augum að þeytast með hana yfir landið...........svo hefðu drengirnir mínir tveir auðvitað viljað koma með í borgina. Þannig að ég ákvað því að sitja bara heima og bretta upp ermar fyrir framan tölvuna.

Byrjunin...

2003-08-18T17:54:00.000Z

Hæ
Veit ekki alveg hvað ég á að gera hérna, en er ekki alltaf best að skella sér í hlutina og prófa ???

Eydís

Prófa

2003-08-15T07:09:00.000Z

hér prófa ég kerfið... aftur